Eýroodaqtyń 10 eli koronavırýs boıynsha «qyzyl aımaqqa» endi
BRıÝSSELЬ. QazAqparat – Eýropalyq odaqtyń on eli koronavırýs ınfektsııasynyń taralýy boıynsha «qyzyl aımaqqa» (qaýip deńgeıi joǵary) endi, dep habarlaıdy QazAqparat tilshisi Aýrýlardyń aldyn alý jáne baqylaý eýropalyq ortalyǵyna silteme jasap.
Bul deńgeı atalǵan memleketterde sońǵy eki apta ishinde COVID-19 vırýsyn juqtyrýdyń rastalǵan jaǵdaılarynyń sany 120-dan 100 myńǵa deıin jetkenin kórsetedi. Osydan keıin Belgııany qosa alǵanda Eýroodaqtyń toǵyz eli «qyzyl aımaqqa» kirdi. Ulybrıtanııa sońǵy bolyp atalǵan tizimdi tolyqtyrdy.
Qazirgi ýaqytta EO-da aýrýǵa shaldyǵý qarqyny mynadaı: Ispanııada (100 000 turǵynǵa shaqqanda 319 jaǵdaı), Chehııada (303), Frantsııada (245), Nıderlandyda (231), Belgııada (206), Lıýksembýrgte (161), Islandııada (158), Vengrııada (129), Danııada (128) jáne Ulybrıtanııada (135).
Sonymen qatar, Rýmynııa (116), Avstrııa (114), Slovakııa (106) jáne Irlandııa (105) qaýip aımaǵynda tur.
Osyǵan baılanysty Eýropa elderi koronavırýsty boldyrmaý sharalaryn qabyldap jatyr. Máselen, Frantsııa osy aptanyń basynan bastap birqatar sharalardy kúsheıtti.
Germanııa sporttyq sharalar men kontsertter sııaqty úlken jıyndarǵa tyıym salýdy jyldyń sońyna deıin uzartty.
Sonymen qatar, KVI qaýpi joǵary elderden kelgender Covid-19 testinen ótip, 14 kúndik karantınge jiberiledi.
Avtor: Arnur Rahymbekov
