Eýroodaqtyń Ýkraına boıynsha ekinshi shuǵyl sammıti Frantsııada ótedi

ASTANA. KAZINFORM — Kezdesý sársenbi, 19 aqpanda Parıj qalasynda ótýi múmkin, dep habarlaıdy «Amerıka daýysy». 

— Frantsııa osy aptanyń basynda sammıtke qatyspaǵan eýropalyq elderdi, sondaı-aq NATO odaqtasy Kanadany shaqyryp, sársenbide ekinshi kezdesýdi ótkizýdi josparlap otyr, — dep habarlady seısenbide dıplomatııalyq aqparat kózderi.

Oǵan Kanada, Norvegııa, Baltyqtaǵy úsh memleket (Lıtva, Estonııa jáne Latvııa), Chehııa Respýblıkasy, Grekııa, Fınlıandııa, Rýmynııa, Shvetsııa jáne Belgııa qatysady dep shamalanyp otyr. Keıbir elder beınekonferentsııaǵa qatysa alady, dep habarlady eki dıplomat.

Eske sala ketsek, 18 aqpanda Saýd Arabııa astanasy Er-Rııad qalasynda AQSh pen Reseı delegatsııasy kelissózderi bastaldy.