02:06, 12 Shilde 2024 | GMT +6
Eýroodaqtyń tórt eli 500 shaqyrymnan asatyn zymyrandardy jasaýǵa kelisti
ASTANA. KAZINFORM – Germanııa, Italııa, Polsha jáne Frantsııa 500 shaqyrymnan asatyn jerden ushyrylatyn zymyrandardy birlesip jasaý týraly kelisimge keldi. Bul týraly AZERTADJ aqparat agenttigi jazdy.
Qujatqa AQSh astanasynda ótip jatqan NATO sammıti aıasynda 4 eldiń qorǵanys mınıstrleri qol qoıdy.
Kelisimniń maqsaty – eýropalyq arsenaldardaǵy olqylyqtyń ornyn toltyrý.
Germanııanyń Frankfurter Allgemeine Zeitung (FAZ) gazeti kelisimde damý nıeti qarastyrylǵanyn jáne atalǵan elder qorǵanys salasyndaǵy yntymaqtastyqtyń egjeı-tegjeıleri týraly áli de kelise almaǵanyn jazady. Al, FAZ málimetinshe, 1 myń shaqyrymnan asatyn (ıadrolyq emes) keshendi damytý josparlanyp otyr.
