Eýroodaqta jarty mıllıon birlik qarý urlanǵan nemese joǵalǵan
BRıÝSSELЬ. 21 qazan. QazAqparat - Eýrokomıssııa qarýlar óndirisine, ony ıelenýge, saqtaýǵa jáne ony azamattardyń óz betimen paıdalanýyna baqylaýdy kúsheıtý jóninde usnynystar ázirlep, ony Eýroodaq múshe-memleketteri qaraýyna usynbaq.
Bul týraly Brıýsseldegi baspasóz máslıhatynda ishki ister jónindegi eýrokomıssar Sesılııa Malmstrem málim etti.
«Apta saıyn biz oq-dárimen atylatyn qarýlardy paıdalanyp jasalǵan zombylyqtardyń jańa aktilerin estımiz. Sońǵy birneshe jyldyiń ishinde mundaı oqıǵalar Norvegııada, Belgııada, Fınlıandııada, Frantsııada, Italııada jáne basqa da eýropalyq elderde boldy. Biz qarýlardyń qylmyskerlerdiń qolyna túspeýi úshin kóp nárse isteýimiz qajet», - dedi S.Malmstrem.
Eýrokomıssııanyń málimetterine qaraǵanda, EO-da jarty mıllıonǵa jýyq oq-dárimen atylatyn qarý urlanǵan nemese joǵalǵandar sanatynda. Esepke alynbaǵan qarýlar qylmyskerlerge qolaıly jaǵdaı týǵyzady. Jyl saıyn oq-dárimen atylatyn qarýlardy zańsyz qoldaný saldarynan Eýroodaq elderinde 1 myńnan astam adam qazaǵa ushyraıdy.
Osyǵan baılanysty Eýrokomıssııa EO-nyń oq-dárimen atylatyn qarýlar týraly qoldanystaǵy dırektıvasyn azamattardyń mundaı qarýlardyń áleýetti túrlerin ıelenýine tyıym salý týraly erejemen tolyqtyrýdy, olardy markalaýǵa, lıtsenzııa berýge jáne ınternette oq-dárimen atylatyn qarýlardy satýǵa baqylaý talaptaryn qatańdatýdy usyndy. Sonymen birge, qarýlardy qaıtalama naryqta satýdyń jolyn kesý jóninde baqylaý sharalaryn jasaý josparlanýda.
