Eýroodaqta jańa úlgidegi júrgizýshi kýálikteri engiziledi

Bul týraly Brıýsselde jýrnalısterge Eýrokomıssııa tóraǵasynyń kólik saıasatyna jaýap beretin orynbasary Sıım Kallas habarlady.

«Búkil Eýropa boıynsha jol polıtsııasy búginde 100-den astam ártúrli úlgidegi qaǵaz jáne plastıkalyq júrgizýshi kýálikterin birizdendirýi tıis. Kýálikterdegi fotosýretter baıaǵyda eskirgen, quqyq sanattary anyq emes, al qujattardy ońaı qoldan jasap alýǵa bolady. Jalǵan júrgizýshi kýálikteri lıtsenzııalarǵa nuqsan keltiredi, sondyqtan da bizge jeńil oqylatyn, jeńil túsinýge bolatyn jáne qoldan jasaýǵa kelmeıtin kýálikter kerek», - dedi S.Kallas.

Eýropalyq júrgizýshi kýálikteri ishine chıp ornatylǵan bank kartochkalarynyń kólemindegi plastıkalyq karta túrinde bolady, oǵan júrgizýshiniń málimetteri engiziledi. Jańa kýálikter árbir on jylda aýystyrylady, biraq ta jol qozǵalysy erejeleri jáne júrgizý boıynsha emtıhan júrgizilmeıdi.

S.Kallastyń aıtýynsha, júrgizýshi kýálikterin aýystyrý 2033 jylǵa deıin júrgiziledi, ol kezde Eýroodaq elderinde qaǵaz túrindegi júrgizýshi kýálikteri bolmaýy tıis. Tutastaı alǵanda ótpeli kezeńde EO memleketteri úlgisindegi qazirgi qoldanystaǵy júrgizýshi kýálikteri birdeı kúshinde bolady. Jańa kýálikter avtobýstar men júk avtomashınalary júrgizýshilerine de engiziledi, olar bes jyl boıy jaramdy bolmaq.