Eýroodaqta eń kóp VICh ınfektsııasyn juqtyrǵan el belgili boldy
ASTANA. QazAqparat - Eýroodaq boıynsha VICh juqtyrǵandar sanynyń eń joǵary deńgeıi Latvııada tirkeldi, dedi jýrnalısterge Baltyq Vıch-qaýymdastyǵynyń basshysy Inga Ýpmatse. Bul týraly Rıa novostı habarlady.
«Latvııada ımmýn tapshylyǵy vırýsyn juqtyrǵan jańa jaǵdaılar sany Estonııadaǵy kórsetkishten asyp tústi jáne bul EO-daǵy elder arasynda eń joǵary kórsetkish bolyp tabylady. Aýrýdyń aldyn alý jáne baqylaý ortalyǵynyń derekterine sáıkes 2017 jylǵy 1 qańtaryndaǵy jaǵdaı boıynsha Latvııada indetti juqtyrǵan 6 972 adam tirkelgen», - dedi Ýpmatse.
Onyń aıtýynsha, mundaı statıstıka Latvııa úshin alańdatarlyq jaǵdaı.
«Bul problemamen barlyq memlekettik uıymdardyń birigip kúresý qajettigin kórsetedi. Jurtshylyqty habardar etip qana qoımaı, olarǵa óziniń VICh-mártebesin tekserýdi usyný qajet. Juqtyrǵan adam vırýsqa qarsy terapııadan ótýi tiıs», - dedi basshy.
