Eýroodaqta Ebolaǵa qarsy dári shyǵarǵanyn málimdedi
BRıÝSSELЬ. QazAqparat - Vırýsqa qarsy «favipiravir» preparaty Ebolany jańa juqtyrǵan naýqasty emdeýge qabiletti. Bul týraly Ǵylymı-zertteý qyzmeti jáne ınnovatsııalar máseleleri jónindegi eýrokomıssar Karlos Moedas málimdedi.
«EO qarjylandyratyn jobalardyń biri úmit otyn jandyrǵanyna qýanyshtymyn. Bizde «favipiravir» preparatynyń Ebolany endi juqtyrǵan adamdarǵa shıpasy tıetini jaıly dálel bar»,- dedi Moedas.
Sheneýnik jańa preparattyń klınıkalyq synaq nátıjesi boıynsha tıimdiligi rastalsa, tarıhta alǵash ret qaterli aýrýdy eńserýge qabiletti dári paıda bolatynyn atap ótti.
Preparatty zertteý «Gorızont-2020» ǵylymı-zertteý baǵdarlamasy aıasynda júrgizilýde, ony Eýroodaq qarjylandyrýda. Bul baǵdarlamanyń úılestirýshisi Ulttyq densaýlyq saqtaý jáne medıtsınalyq zertteý ınstıtýty (INSERM).
Budan buryn «favipiravir» dárisin Fujifilm Holdings Corp enshiles kompanııasy japondyq Toyama Chemical ázirlegeni habarlaǵan. 2014 jyly tyshqandarmen zerthanalyq jumys Ebolaǵa qarsy áreket etýge qabiletti bolýy múmkin ekendigin kórsetken. Dári áli kúnge deıin zerttelý ústinde.
