Eýroodaqta barlyq jańa kólikter «kúndizgi júris ottarymen» jaraqtalatyn bolady
BRıÝSSELЬ. 8 aqpan. QazAqparat /Dımash Syzdyqov/ - Eýroodaqta dúısenbi kúnnen bastap jańa ereje kúshine endi, oǵan sáıkes barlyq jeńil kólikter men shaǵyn fýrgondar qozǵaltqysh iske qosylǵan sátten bastap janatyn «kúndizgi júris ottarymen» (kúndizgi farlarmen) jaraqtalýy kerek,
dep habarlaıdy Eýrokomıssııanyń baspasóz qyzmetinen.
Eýrokomıssııanyń baǵalaýynsha, bul sharalar joldardaǵy qaýipsizdikti arttyratyn bolady, sebebi jol qozǵalysyna qatysýshylar kólik quraldaryn alystan baıqaıdy. Eýrokomıssııa vıtse-prezıdenti Antonıo Taıanıdiń aıtýynsha, «kúndizgi júris ottary eýropalyq joldardaǵy shyǵyndardy tómendetý jónindegi bizdiń maqsatymyzǵa mańyzdy úles qosatyn bolady».
Eýrokomıssııanyń málimeti boıynsha, 2009 jyly Eýropa joldarynda oryn alǵan jol-kólik oqıǵalarynda 35 myńnan astam adam kóz jumǵan.
