Eýroodaqta áıelderdiń tabysy er adamdarǵa qaraǵanda 16,1 paıyz tómen - Eýrostat
BRıÝSSELЬ. QazAqparat - Halyqaralyq áıelder kúni qarsańynda EO-nyń «Eýrostat» statıstıkalyq qyzmeti Eýroodaqta er adamdar men áıelderdiń eńbek naryǵyndaǵy genderlik teńdiginiń jaǵdaıy týraly zertteýin jarııalady.
«2014 jyly Eýropalyq odaqta erler men áıelder eńbekaqysyndaǵy alshaqtyq 16,1 paıyzdy quraǵan», - dep habarlaıdy «Eýrostatta».
Osy arada, eńbek naryǵynda er adamdar men áıelderdiń arasyndaǵy aıyrmashylyq tek jalaqymen shektelip qoımaıdy. Belgili bir deńgeıdegi kemsitýshilik sondaı-aq eńbek sharttaryn ornatý kezinde de baıqalyp otyr.
«EO-da balalary joq árbir besinshi áıel tolyq emes jumys kúni rejıminde eńbek etse, osyǵan uqsas jaǵdaı tek árbir on ekinshi er adamǵa tán bolǵan», - delingen zertteýde.
Eńbekti óteýde genderlik alshaqtyqtyń eń tómen deńgeıi Slovenııa (2,9%), Malta (4,5%), Italııa (6,5%), Polsha (7,7%), Lıýksembýrg (8,6%) jáne Belgııada (9,9%) baıqalýda. Al kerisinshe jaǵdaı Estonııa (28,3%), Avstrııa (22,9%), Chehııa (22,1%), Germanııa (21,6%) jáne Slovakııada (21,1%) tirkelgen.
