Eýroodaqpen seriktestikti keńeıtý kelisimin ratıfıkatsııalaý máselesi talqylandy
BRıÝSSELЬ. QazAqparat - Beısenbi kúni Eýropalyq parlamentte «Qazaqstan - Eýroodaq» Parlamenttik yntymaqtastyq komıtetiniń 16-shy otyrysy ótti, dep habarlaıdy Belgııadaǵy «QazAqparat» HAA menshikti tilshisi.
Іs-shara QR Parlamenti Májilisi Halyqaralyq, qorǵanys jáne qaýipsizdik isteri komıtetiniń basshysy Muhtar Erman men Eýropalyq parlamenttiń Ortalyq Azııa elderimen yntymaqtastyq jónindegi delegatsııa basshysy Iveta Grıgýle-Peterstiń tóraǵalyǵymen ótti.
«EO Qazaqstannyń iri saýda-ekonomıkalyq seriktesi, al bizdiń elimiz - Eýroodaqtyń Ortalyq Azııadaǵy mańyzdy áriptesi. Sondyqtan, Eýroparlamentpen qarym-qatynasymyz serpindi túrde damıtynyna senimdimin», - dedi M.Erman.
Májilismender men senatorlar eýropalyq áriptesterimen birge Eýropalyq odaq pen Qazaqstandaǵy ahýaldy, óńirlik qaýipsizdiktegi qaýip-qaterlerdi, terrorızm jáne ekstremızmmen kúres, sondaı-aq esirtkiniń zańsyz aınalymyna qarsy turýdaǵy ózekti máselelerdi egjeı-tegjeıli talqylady.
Sonymen qatar, parlament músheleri kóshi-qon túıitkilderin, Aýǵanstandaǵy jáne Sırııadaǵy beıbitshilikti qalpyna keltirýdegi elimizdiń rólin, ekonomıkalyq jáne áleýmettik reformalardy, energetıka jáne adam quqyqtary máselelerin qozǵady.
Eýropalyq depýtattardy Ortalyq Azııa elderi arasyndaǵy yntymaqtastyqtyń bolashaǵy, Qazaqstandaǵy sybaılas jemqorlyqqa qarsy kúres jáne Ortalyq Azııa boıynsha EO-nyń jańa strategııasy qyzyqtyrdy.
Qazaqstan men Eýroodaq arasyndaǵy Keńeıtilgen seriktestik jáne yntymaqtastyq týraly kelisimdi ratıfıkatsııalaý protsesine erekshe nazar aýdaryldy. Jańa býyn qujaty Kıpr, Italııa jáne Nıderlandy parlamentteriniń maquldaýyn kútip otyr.
Kezdesý sońynda taraptar barlyq máseleler kesheni boıynsha yntymaqtastyq pen dıalogty jalǵastyrýǵa daıyn ekendikterin rastady. Parlamenttik yntymaqtastyq komıtetiniń kezekti otyrysy 2020 jyly ótedi.
Avtory: Tımýr Dúısekeev
