Eýroodaqqa tóraǵalyq etýshi Ispanııa «Bostandyq flotılııasyna» jasaǵan shabýyly úshin Izraıldy aıyptady
BRıÝSSELЬ. Maýsymnyń 1-i. QazAqparat /Dımash Syzdyqov/ - Eýroodaqqa tóraǵalyq etýshi Ispanııa Gaza sektoryna gýmanıtarlyq júkpen bara jatqan «Bostandyq flotılııasyna» jasaǵan shabýyly úshin Izraıldy aıyptady. Ispanııa úkimetiniń tóraǵasy Hose Lýıs Rodrıges Sapatero oryn alǵan bul oqıǵany «kúrdeli jáne kóńil alańdatarlyq jaıt» dep mazmundady.
Ispanııanyń Eýropa máseleleri jónindegi mınıstri Dıego Lopez Garrıdo bul oqıǵany aıyptaı kele, adam qurbandyqtaryna ákelgen Izraıl tarapynyń bul áreketi óreskel ekenin atady. «Biz, árıne, osynaý oqıǵanyń tekserilý barysyn qadaǵalaıtyn bolamyz», dedi ol.
Eýroodaqtyń Syrtqy ister jáne qaýipsizdik saıasaty jónindegi joǵarǵy ókili Ketrın Eshton óz kezeginde bul oqıǵaǵa qatysty: «... men tańerteń Izraıldyń syrtqy ister mınıstri Avıgdor Lıbermanmen sóılestim jáne oryn alǵan qaıǵyly oqıǵaǵa qatysty bizdiń tereń alańdaýshylyǵymyzdy jetkizdim. Izraıl tarapy oryn alǵan oqıǵanyń mán-jaıyn dereý tekserýi kerek ekenin aıttym», dedi. K.Eshton sondaı-aq, qaza tapqandardyń otbasylaryna kóńil aıtty jáne Gaza setoryna gýmanıtarlyq kómek kórsetý úshin Izraıldy barlyq ótkizý beketterin ashýǵa shaqyrdy.
Álemdik aqparat quraldarynyń habarlaýynsha, quqyq qorǵaýshylar mingen jáne gýmanıtarlyq júk tıelgen jeti keme HAMAS qozǵalysy bılikke kelgeli beri Izraıl áskerıleri qorshaýǵa alǵan Gaza sektoryna ótpek bolǵan. Mamyrdyń 31-ine qaraǵan túni Izraıl arnaýly jasaǵy kemelerge shabýyl jasaǵan. Oqıǵa saldarynan ondaǵan adam qaza bolǵan.
