Eýroodaqqa elektoraldy belsendilikti yntalandyrý ádisterin Qazaqstannan úırenýge bolady - Horvatııanyń eks-prezıdenti
ASTANA. QazAqparat - Horvatııanyń burynǵy prezıdenti Stefon Mesıch Eýroodaq elektoraldy belsendilikti yntalandyrý ádisterin Qazaqstannan úırenýge bolady dep esepteıdi.
«Qazaqstanda saılaýda qoldanylyp jatqan keıbir ádister bizde joq. Biraq ol saılaý nátıjesine áser etpeıdi. Kerisinshe, saılaý belsendiligin arttyrýǵa yntalandyrady. Máselen, Qazaqstanda saılaýda alǵash daýys berip jatqan azamatqa, nemese osy kúni týǵan kúni qatar ótip jatqan saılaýshylarǵa, saılaý ýchaskesine birinshi bolyp kelgen adamdarǵa yntalandyrý tetikteri qarastyrylǵan. Bul belgili bir úmitkerge úgit júrgizý emes, ol saılaýǵa qatysýǵa shaqyratyn ister. Bul saılaý nátıjesine yqpal etedi dep oılamaımyn. Kerisinshe, bul óte qyzyqty tájirıbe», - dedi ol.
Horvatııalyq jýrnalısterdiń biri suraq qoıý barysynda, osy ádisterdi Eýroodaq elderine de engizý jóninde usynys tastady. Sebebi, onyń oıynsha, «Eýroodaqta saılaý barysynda kontsertter ótip turmaıdy jáne eshkim saılaýshylarǵa kofe usynbaıdy». Oǵan Stefon Mesıch: «Múmkin, sizdiń sózińizde de jan bar», - dep jaýap qaıyrdy. Búgin Horvatııadan kelgen halyqaralyq baıqaýshylar birqatar saılaý ýchaskelerinde bolyp qaıtty jáne saılaýǵa kelgen azamattardyń belsendiligin erekshe atap ótýde. «Bul saılaý demokratııanyń joǵary standarttary boıynsha ótkizilgenine senimdimin», - dep túıdi sózin Horvatııanyń eks-prezıdenti.
