Eýroodaq jer silkinisinen zardap shekkenderge ýaqytsha baspana salyp berý úshin Túrkııaǵa kómek kórsetedi
BRıÝSSELЬ. 1 qarasha. QazAqparat /Dımash Syzdyqov/ - Eýroodaq pen túriktiń «Qyzyl jartyaıy» eldiń ońtústik-shyǵysyndaǵy Van provıntsııasynda ústimizdegi jyldyń 23 qazanynda bolǵan kúshti jer silkinisinen zardap shekken adamdarǵa 1200 ýaqytsha baspana jetkizýge EO grantyn bólý týraly kelisimge qol qoıdy,
dep habarlady Eýrokomıssııanyń baspasóz qyzmeti.
Jańa ýaqytsha baspanalarda shamamen 6 myń adam ornalasa alady. Ol tolyqtaı oqshaýlanǵan úıler bolady, onyń ishinde 2 bólme, as úı, jýynatyn bólme men dárethana bolmaq. Olar toq jelisine, sý men káriz júıesine qosylady. Jobanyń jalpy quny 4 mıllıon eýro bolady dep eseptelinýde.
Osy ýaqytsha baspanany satyp alý jáne ornatý jumystaryn EO grantynyń tikeleı benefıtsıary bolyp tabylatyn túriktiń «Qyzyl jartyaıy» ózge uıymdarmen jáne jergilikti bılik ókilderimen birlese otyra júzege asyrady.
