Eýroodaq Japonııaǵa suıytylǵan tabıǵı gaz jibergeni úshin alǵys bildirdi

BRıÝSSELЬ. QazAqparat – Búgin Eýropalyq komıssııa ókili Ýrsýla fon der Lıaıen Japonııanyń premer-mınıstri Kısıda Fýmıomen telefon arqyly sóılesti, dep habarlaıdy QazAqparattyń menshikti tilshisi.

Ý. Lıaıen Japonııa úkimetine óziniń suıytylǵan tabıǵı gaz ımportynyń bir bóligin Eýropaǵa jóneltkeni úshin alǵys bildirdi. Budan buryn Japonııa bıligi Eýropa naryǵyndaǵy tapshylyqpen kúresip, gaz baǵasyn tómendetý úshin birneshe tanker jibergen edi.

Biraz ýaqyt boıy TTF bırjasynda gaz baǵasy 2021 jylǵy kórsetkishten edáýir asyp tur.

Japonııanyń premer-mınıstri Fýmıo Kısıda odaqtastary men áriptesterine qoldaý kórsetý úshin Eýropaǵa artyp qalǵan suıytylǵan tabıǵı gaz qoryn jiberýge sheshim qabyldaǵanyn málimdedi. EO men Japonııa basshylary energetıkalyq qaýipsizdikti qamtamasyz etý úshin birge jumys isteýdy jalǵastyrady.

Sonymen qatar eki el basshylary EO-nyń «Jahandyq qaqpa» bastamasynyń júzege asyrylýyn talqylady. Olar Japonııa men EO arasyndaǵy yntymaqtastyqty nyǵaıtyp, damytý jóninde kelisti.