Eýroodaq Japonııadaǵy apattan zardap shekkenderge kómektesý úshin izdeý-qutqarý toptaryn jáne ıisshil ıtter jóneltedi
BRıÝSSELЬ. 12 naýryz. QazAqparat /Dımash Syzdyqov/ - Eýroodaq juma, 11 naýryz kúni japon araldarynda bolǵan qýatty zilzala men tsýnamıdiń saldarynan zardap shekkenderge kómektesý úshin
elge eýropalyq izdeý-qutqarý toptary men ıisshil ıtterdi jóneltý týraly Japonııa tarapynyń ótinishin qanaǵattandyrdy.
Bul týraly Eýrokomıssııanyń baspasóz qyzmetine halyqaralyq yntymaqtastyq, gýmanıtarlyq kómek máseleleri jónindegi eýrokomıssar Krıstıalına Georgıevanyń málimdemesine silteme jasap habarlady.
Eýropalyq sheneýnik atap kórsetkendeı, «Japonııa tabıǵat apatynyń saldaryn eńserý salasynda álemdegi eń daıyndyǵy kúshti el bolyp tabylady. Biraq ta bul jolǵy zilzala men tsýnamıdiń aýqymy halyqaralyq kómekti qajet etip otyr. Biz Japonııanyń ótinishine múmkindiginde jedel ún qatamyz. Eýropanyń azamattyq qorǵanys júıesi Japonııaǵa apat saldaryn eńserýge kómektesýge tolyq jumyldyrylady».
Esterińizge sala keteıik, juma kúni Japonııada 89 baldyq jer silkinisi boldy. Osynyń saldarynan Japonııanyń Tynyq muhıt jaǵalaýynda bıiktigi 10 metrge deıin jetken tsýnamı baıqaldy. Zilzala men tsýnamı saldarynan kóp adam qurban boldy, qıraýlar oryn aldy. Atom elektr stansalarynda radıatsııanyń jaıylǵany týraly da aqparat bar. Kólik qatynasy men baılanys salasynda da problemalar joq emes.
