Eýroodaq Týnıs ókimetin ulttyq birlestiktiń jańa úkimetin tezirek qurýǵa shaqyrýda
BRıÝSSELЬ. 18 qańtar. QazAqparat /Dımash Syzdyqov/ - Eýroodaqtyń Syrtqy ister jáne qaýipsizdik saıasaty jónindegi joǵary ókili Ketrın Eshton hanym Týnıs ókimetin zorlyq-zombylyqty ári qaraı órshitpeýge,
adam qurbandyqtaryna jol bermeýge, sondaı-aq ulttyq birlestiktiń jańa úkimetin tezirek jasaqtaýǵa shaqyrdy, dep habarlady Eýrokomıssııanyń baspasóz qyzmetinen.
«Osynaý syn saǵatta Eýroodaqtyń Týnıspen jáne onyń halqymen birge ekenin qýattaımyz. Sherýlerdi kúshpen basý áreketterin taǵy da aıyptaımyz jáne qaza bolǵandardyń otbasylaryna kóńil aıtamyz. Biz Týnıs ókimetin jaýapty áreket etýge, beıbitshilikti saqtaýǵa jáne zorlyq-zombylyqty ári qaraı órshitpeýge, kisi qurbandyqtaryna jol bermeýge shaqyramyz, osynyń bári demokratııaǵa beıbit jolmen aýysýǵa múmkindik beredi», - delingen Eýroodaqtyń keńeıtý jónindegi eýrokomıssary Shtefan Fıýle men Eýroodaqtyń Syrtqy ister jáne qaýipsizdik saıasaty jónindegi joǵary ókili Ketrın Eshton hanymnyń birlesken málimdemesinde.
Eýroodaqtyń joǵary ókili sondaı-aq, Týnıste saılaý protsesin uıymdastyrýǵa, eldegi saıası ahýal turaqtaǵan soń dereý ekonomıkalyq kómek baǵdarlamasyn qosýǵa Odaqtyń kómek kórsetýge ázir ekenin jetkizdi.
Týnıste memlekettik tóńkeris bolyp, el prezıdenti 74 jastaǵy Zın ál-Abıdın ben Alı elden ketýge májbúr boldy.
