Eýroodaq taýarlaryna AQSh baj salyǵyn engizse, qatań jaýap qaıtarylatynyn eskertti

ASTANA. KAZINFORM – Eýroodaq óz elderinen jiberiletin taýarlarǵa AQSh baj salyǵyn engizse, «qatań jaýap qaıtarmaq», dep habarlaıdy reseılik TASS agenttigi.

Bul týraly Eýrokomıssııa ókiline silteme jasaǵan Agence France-Presse habarlady.

Onyń aıtýynsha, Eýroodaq «tómen tarıfter ósim men ekonomıkalyq turaqtylyqqa yqpal etetinine senimdi», biraq eger «ádiletsiz» tarıfter engizilse, EO «qatań jaýap beredi».

AQSh prezıdenti Donald Tramp Kanada, Qytaı jáne Meksıkadan keletin taýarlarǵa baj salyǵyn engizý týraly jarlyqqa qol qoıdy. Meksıka men Kanadadan keletin ımportqa 25% (Kanada energııasy úshin 10%) tarıfter qoldanylady. Qytaıdan keletin taýarlarǵa 10 paıyzdyq qosymsha baj salyǵy salynady.

Jarlyq 4 aqpanda kúshine enedi. Kanada, Qytaı jáne Meksıka AQSh ımporttaıtyn barlyq taýarlar men qyzmetterdiń úshten birin quraıdy.

Osyǵan deıin Kanada men Meksıka AQSh-qa qarsy baj salyǵyn engizetini týraly jazǵan edik.