Eýroodaq Soltústik Koreıaǵa qarsy sanktsııalaryn keńeıtti

Bul týraly Eýropalyq odaq taratqan kommıýnıkede aıtylady.

«2016 jyldyń 31 naýryzynda EO BUU Qaýipsizdik keńesiniń 2016 jyldyń 2 naýryzynda qabyldaǵan №2270 qararyna sáıkes KHDR-ǵa qarsy shekteý sharalaryn keńeıtti», - delingen EO Keńesiniń habarlamasynda.

Sanktsııa Soltústik Koreıa qarýly kúshteriniń jaýyngerlik múmkindikterin damytýǵa úles qosa alatyn kez kelgen zattardyń (azyq-túlik pen dári-dármekten basqa) eksporty men ımportyna tyıym salýdy qarastyryp otyr.

Qujat EO-ǵa múshe elderdi KHDR-ǵa jetkiziletin barlyq júkterde tyıym salynǵan taýarlar men tehnologııalardyń bolmaýyn tekserýge, sondaı-aq teńiz jáne áýe kemeleriniń júkterine tyıym salýǵa, olardy tirkemeýge mindetteıdi.

Keńeıtilgen sanktsııalar sondaı-aq qosymsha qarjylyq amaldardy shamalap otyr, oǵan úkimettik uıymdardyń KHDR-nyń áskerı baǵdarlamalary jáne BUU-nyń Qaýipsizdik keńesiniń qararlary tyıym salǵan basqa qyzmet túrlerimen baılanysty aktıvterin toqtatý, sondaı-aq KHDR-nyń qarjylyq mekemelerimen yntymaqtasyp otyrǵan úkimetter men bankterdiń enshiles fılıaldaryn jabý kiredi.

Eske sala keteıik, BUU Qaýipsizdik keńesi Phenıanniń aǵymdaǵy jyldyń qańtar-aqpan aılarynda ótkizgen zymyrandyq-ıadrolyq synaqtaryna jaýap retinde Soltústik Koreıaǵa qarsy sanktsııalaryn kúsheıtti.