Eýroodaq Sırııa bıligi men demokratııalyq kúshteri arasyndaǵy kelisimdi quptady
ASTANA. KAZINFORM – Eýropalyq odaq Sırııanyń ótpeli bıligi men sırııalyq demokratııalyq kúshter arasynda qol jetkizilgen kelisimdi quptaıdy. Bul týraly Eýropalyq syrtqy áreket qyzmetiniń málimdemesine silteme jasap, Kazinform menshikti tilshisi habarlaıdy.
– Biz barlyq tarapty kelisimdi adal nıet pen ózara ymyra rýhynda oryndaýǵa shaqyramyz. Urys-qımyldardyń tolyq toqtaýy gýmanıtarlyq kómektiń jetkizilýin qamtamasyz etý, beıbit turǵyndardy qorǵaý jáne ishki qonys aýdarǵan adamdardyń oralýy úshin asa mańyzdy.
Sırııanyń soltústik-shyǵysyndaǵy turaqtylyq eldegi jan-jaqty saıası ótpeli kezeńniń tabysty júzege asýynyń jáne búkil Sırııa halqynyń quqyqtaryn qorǵaýdyń negizgi sharty bolyp tabylady.
Sondaı-aq barlyq tarapty lagerler men qamaýda ustaý oryndarynyń qaýipsizdigin qamtamasyz etýge jáne DAISh uıymynyń qaıta jandanýyna jol bermeý baǵytynda birlesip jumys isteýge shaqyramyz, – delingen Eýropalyq syrtqy áreket qyzmetiniń málimdemesinde.
Aıta keteıik, Sırııa úkimeti men kúrdtik qarýly qurylym – «Sırııalyq demokratııalyq kúshter» juma kúni jan-jaqty atysty toqtatý jáne áskerı ári ákimshilik qurylymdardy kezeń-kezeńimen Sırııa memleketine ıntegratsııalaý jóninde kelisimge qol jetkizilgenin habarlaǵan bolatyn.