Eýroodaq shuǵyl sammıtin shaqyrdy
LıÝKSEMBÝRG. QazAqparat - Grekııa men halyqaralyq nesıe berýshiler Afınyǵa makroqarjylyq kómek kórsetýdiń qazirgi baǵdarlamasyn uzartýǵa taǵy da kelisimge kele almady. Bul týraly beısenbi kúni ótken brıfıngte Eýrotoptyń prezıdenti Ierýn Deısselblým málimdedi, dep habarlaıdy QazAqparattyń Eýropadaǵy tilshisi.
«Az ǵana ilgerileýshilikke qol jetkizilgenin ókinishpen aıtýǵa týra keledi, ázirge kelisim jasalmaı otyr», - dedi Ierýn Deısselblým.
Onyń aıtýynsha, taraptardyń Afıny qalasyna kómek kórsetýdiń qazirgi baǵdarlamasyn uzartý, onyń aıasynda qalyp otyrǵan 7,2 mlrd. eýrony alý múmkindigin beretin Grekııa reformalarynyń jańa josparyn kelisý úshin áli de ýaqyt bar.
«Áli de kelisimge qol jetkizip, qazirgi baǵdarlamany aıdyń sońyna deıin keńeıtýge bolady», - dep atap ótti Deısselblým.
Grekııanyń qaryz máselesi boıynsha kelisim bolmaýyna baılanysty Eýropalyq keńestiń prezıdenti Donald Týsk Eýroaımaqtyń shuǵyl sammıtin shaqyrýǵa sheshim qabyldady.
«Eýrotoptyń kezdesý qorytyndylary turǵysynan búgin men dúısenbi, 22 maýsym kúni saǵat 19:00-de Eýroaımaq elderiniń sammıtin shaqyrýǵa sheshim qabyldadym. Grekııanyń jaǵdaıyn shuǵyl túrde eń joǵary saıası deńgeıde talqylaıtyn kez keldi», - dep málimdedi Donald Týsk.
