Eýroodaq RF Memlekettik dýmasyna saılaý nátıjelerin qaperge aldy
BRıÝSSELЬ. 7 jeltoqsan. QazAqparat /Dımash Syzdyqov/ - Eýroodaq RF Federaldyq jınalysynyń Memlekettik dýmasyna saılaý nátıjelerin qaperge aldy, alaıda oryn alǵan «protsedýralyq buzýshylyqqa» alańdaýshylyǵyn bildirdi.
EO-nyń shetel isteri jáne saıasat qaýipsizdigi jónindegi joǵarǵy ókili Ketrın Eshton osyndaı málimdeme jasady.
«Men RF Memlekettik dýmasyna saılaý nátıjelerin jáne EQYU/DIAQB halyqaralyq baıqaýshylarynyń aldyn ala qorytyndylarynda kórsetkendeı saılaýdyń tehnıkalyq jaǵynan jaqsy uıymdastyrylǵanyn qaperge alamyn», - dedi K.Eshton.
Sonymen qatar eýropalyq syrtqy saıasat qyzmetiniń basshysy saılaýdyń BAQ-tarda táýelsiz jarııalanýyndaǵy kemshilikter, táýelsiz baıqaýshylarǵa táýelsiz monıtorıng júrgizýge kedergi jasaýǵa tyrysýshylyq, bılik partııasy men úkimet arasynyń tym jaqyndasyp ketýshiligi sııaqty «protsedýralyq buzýshylyqqa» alańdaýshylyq bildirdi.
«Sonymen birge aldyn ala qorytyndylarda kóterilgen (halyqaralyq baıqaýshylar - avtordyń eskertýi) máseleler, sondaı-aq jergilikti baıqaýshylar keltirgen problemalardy reseılik ókimet oryndary kóktemdegi (2012 jylǵy - avtrdyń eskertýi) basty jáne ádil prezıdenttik saılaý ótkizýde qamtamasyz etý úshin oıdaǵydaı sheshedi dep oılaımyn», - dep túıindedi K.Eshton.
