Eýroodaq Reseıge «Domodedovodaǵy» lańkestik áreketten keıin qajet bolýy yqtımal kez-kelgen tehnıkalyq kómekti usynýda

Bul týraly dúısenbi kúni Eýrokomıssııa tóraǵasy Joze Manýl Barrozý málim etti.

Eýrokomıssııa basshysynyń aıtýynsha, EK vıtse-prezıdenti Sıım Kallass Reseıdiń kólik mınıstri Igor Levıtınge hat joldap, «Domodedovodaǵy» lańkestik áreketten keıin Reseı ókimetine qajet bolýy yqtımal kez-kelgen tehnıkalyq kómek usyndy.

J.M.Barrozý sondaı-aq lańkestik áreketti aıyptap, qaza bolǵandardyń otbasylaryna kóńil aıtty.

Esterińizge sala keteıik, keshe, 24 qańtar kúni Máskeýdegi «Domodedovo» áýejaıynda jasalǵan lańkestik árekettiń saldarynan 35 adam qaza tapty, 180 adam jaralandy.

Quqyq qorǵaý organdarynyń aqparaty boıynsha, kelýshilerdi qarsy alyp turǵan toptyń ishinde bolǵan jankeshti saǵat 16.33 kezinde jarylǵysh zatty iske qosqan. Lańkestik qurbandarynyń qatarynda taksı júrgizýshileri men qarsy alýshylar kóp bolǵan. Bombanyń qýaty trotılge balama 5-7 kelini shamalap otyr.