Eýroodaq reformasy týraly Lıssabon sharty jeltoqsannyń 1-de kúshine enbek
ASTANA. Qarashanyń 5-i. QazAqparat - Eýroodaq reformasy týraly Lıssabon sharty aǵymdaǵy jyly jeltoqsannyń 1-de kúshine enýi múmkin.
Bul týraly Eýroodaqqa tóraǵalyq etýshi Shvetsııa eliniń ókili málim etti, dep habarlaıdy ITAR-TASS agenttigi.
Bul shartty Chehııa bekitkennen keıin múmkin bolyp otyr. Osylaısha, Eýroodaqqa múshe barlyq 27 el jańa qujatqa qol qoıdy. Qol qoıylǵan jáne bekitilgen barlyq túpnusqa mátinder Rımge tabys etilgennen keıin Shart kúshine enedi. Sebebi, Italııa Eýroodaqtyń bazalyq qujattarynyń depozıtarııi bolyp tabylady.
Osylaısha, Eýroodaq óz basshylyq ınstıtýttaryna reformalar júrgizýge jáne qoǵamdastyq tarıhyndaǵy tuńǵysh prezıdentti taǵaıyndaýǵa múmkindik alyp otyr.
