Eýroodaq pen Reseı sanktsııalary Fınlıadııa úkimetin qulatady
ASTANA. QazAqparat - Eýroodaqtyń Reseıge qarsy sanktsııalary jáne Máskeýdiń oǵan qarymta jaýaby Fınlıandııanyń ekonomıkasyna aýyr soqqy bolyp tıgeli tur. Buǵan aldaǵy jylǵy sáýir aıynda ótetin saılaýǵa deıin qazirgi úkimettiń shydas bere alatyny kúmán týdyryp otyr. Bul týraly Londonnyń Financial Times gazeti jazady.
«Bizdiń qazir balǵa men tóstiń ortasynda qalyp otyrǵanymyzdy jasyra almaımyn», - dedi Fınlıandııanyń premer-mınıstri Aleksandr Stýbba.
Fınniń bedeldi ekonomısi Pası Soronenniń bergen baǵasyna qaraǵanda, qazir Fınlıandııaǵa 2015 jylǵa deıin sozylatyn quldyraýdyń qaýpi tónip tur. «2008 jylǵy ishki jalpy ónimniń deńgeıine shyǵý úshin elge endi 10 jyl kerek bolady», - dep eskertti ol. - Bizdi taǵy da retsessııa kútip tur».
Basylym atap ótkendeı, «Stýbbtyń ózi eldiń qazirgi ahýalynyń Fınlıandııa tereń álemdik daǵdarysta turǵan 1990 jyldardy eske túsiretinin moıyndaıdy». Ol sondaı-aq, Fınlıandııa parlamentiniń burynǵy depýtaty, tarıhshy ıÝkkı Tarkkanyń «aldaǵy kúzde jappaı saılaýlar bolýy múmkin» degen pikirin de keltiredi, dep jazady egemen.kz.
Gazet, sonymen qatar, Fınlıandııanyń Eýroodaqtaǵy Reseı Federatsııasynyń sanktsııasy saldarynan zardap shegetin jalǵyz memleket emes ekenin de alǵa tartady. Aıtalyq, Grekııa Reseıdiń aýyl sharýashylyǵy taýarlary ımportyna salynǵan tyıymynan €180 mln-ǵa sazǵa otyrmaq. Sondyqtan senbi kúni eldegi oppozıtsııalyq partııalar úkimetti Batystyń Reseıge qarsy sanktsııalaryna qoldaý kórsetkeni úshin qatty synǵa aldy. Al Nıderlandynyń shyǵyny €1,5 mlrd. bolǵaly tur. Sol sııaqty Latvııa €55 mln-yn joǵaltady. Polshada irimshik pen maı óndirýshiler aıtarlyqtaı zardap shegedi.
Osyǵan baılanysty qazir Eýrokomıssııa Reseı Federatsııasynyń qarsy sanktsııasy men onyń Eýroodaq elderiniń ulttyq ekonomıkasyna tıgizetin zalalyn talqylaýǵa arnalǵan sarapshylardyń eki kezdesýin shaqyryp otyr.
Osy oraıda, ITAR-TASS óziniń Eýrokomıssııadaǵy derekkózine silteme jasaı kelip, agrarıılerge ótemaqy retinde berilgeli turǵan qarjynyń kólemi €400 mln-ǵa jýyq ekenin anyqtady. Al eýropalyq baǵalar boıynsha aldyn ala boljamdarǵa súıensek Reseı bul elderden keletin €7 mlrd-tan artyq eskportqa toqtaý salyp otyr.
