Eýroodaq pen Parsy shyǵanaǵyndaǵy alty arab memleketi Gazada atysty toqtatýǵa shaqyrdy
ASTANA. KAZINFORM – Sársenbi kúni Brıýsselde EO – PShAMYK (Birikken Arab Ámirlikteri, Bahreın Koroldigi, Saýd Arabııasy Koroldigi, Oman Sultandyǵy, Katar Memleketi jáne Kýveıt Memleketi) birinshi sammıti aıaqtaldy.
Kezdesý Parsy shyǵanaǵyndaǵy arab memleketteri yntymaqtastyǵy keńesiniń kezekti prezıdenti retinde birin biri aýystyratyn Eýropalyq keńes tóraǵasy Sharl Mıshel men Katar Ámiri sheıh Tamım ben Hamad Ál Tanıdiń teń tóraǵalyǵymen ótti.
Eýropalyq Odaqta atap ótkendeı, sammıt EO úshin Parsy shyǵanaǵyndaǵy arab memleketteri yntymaqtastyǵy keńesi (PShAMYK) jáne oǵan múshe memleketter, sondaı-aq EO-nyń geostrategııalyq seriktesteri (Birikken Arab Ámirlikteri, Bahreın Koroldigi, Saýd Arabııasy Koroldigi, Oman Sultandyǵy, Katar Memleketi jáne Kýveıt Memleketi) tyǵyz seriktestik ornatý múmkindigin usyndy.
Talqylaýdyń negizgi taqyryptary – ortaq negizgi jahandyq syn-qaterler ekonomıkalyq yntymaqtastyq, onyń ishinde saýda men ınvestıtsııa, turaqty energetıkany damytý jáne klımattyq baılanystar jáne adamdar arasyndaǵy baılanys boıynsha odan ári yntymaqtastyqtyń joldary.
Sammıtke qatysýshylar sonymen qatar qorytyndy málimdeme qabyldap, onda eki tarap Gazada da, Lıvanda da atysty toqtatý, sondaı-aq halyqaralyq quqyq normalary men halyqaralyq gýmanıtarlyq quqyqty saqtaý qajettigin atap ótti.
EO men arab elderi sondaı-aq Palestına men Izraıl memleketteri qaýipsiz jáne moıyndalǵan shekaralarda qatar ómir súretin eki memleket qaǵıdatyna negizdelgen aımaqqa tek saıası sheshim ǵana beıbitshilik ákeletinin júıeli túrde atap ótýde.
Eýroodaq pen Parsy shyǵanaǵyndaǵy arab memleketteri yntymaqtastyǵy keńesiniń qarym-qatynastary 1989 jyly qol qoıylǵan yntymaqtastyq kelisimine negizdelgen, ol EO men PShAMYK arasyndaǵy ekonomıkalyq qarym-qatynastar, klımattyń ózgerýi, energetıka, qorshaǵan orta jáne ǵylymı zertteýler salalaryndaǵy yntymaqtastyq boıynsha turaqty dıalogty belgileıdi.
Yntymaqtastyq kelisimi arqyly sonymen qatar turaqty túrde jınalatyn syrtqy ister mınıstrleri deńgeıinde EO-PShAMYK birlesken keńesi quryldy.
2022 jyldyń aqpanynda Brıýsselde ótken Birlesken keńes barysynda EO jáne Parsy shyǵanaǵy elderiniń syrtqy ister mınıstrleri 2022-2027 jyldarǵa arnalǵan Birlesken yntymaqtastyq baǵdarlamasyn maquldady, bul baǵdarlama 2023 jyldyń qazanynda jańartyldy.
2022 jyldyń maýsymynda Lýıdjı Dı Maıo Eýropalyq Odaqtyń Parsy shyǵanaǵy elderindegi tuńǵysh arnaıy ókili bolyp taǵaıyndaldy. Ol EO-nyń Parsy shyǵanaǵy aımaǵyndaǵy eldermen neǵurlym kúshti, jan-jaqty jáne strategııalyq seriktestigin odan ári damytýǵa jaýapty.
