Eýroodaq pen Ózbekstan vızalyq rejımdi jeńildetý máselesin talqylap jatyr
TAShKENT. KAZINFORM – Ózbekstan Syrtqy ister mınıstrliginiń ókilderi Eýrokomıssııanyń ishki ister jáne kóshi-qon jónindegi Bas dırektoratynyń sarapshylarymen kelissóz júrgizdi, dep habarlaıdy Kazinform agenttiginiń menshikti tilshisi.
Syrtqy ister mınıstrligine qarasty Dunyo aqparat agenttiginiń málimetinshe, kezdesýde taraptar Ózbekstan azamattary úshin vızalyq rejımdi jeńildetý múmkindigin talqylady. Onyń barysynda resmı Tashkentke birqatar mindetti shartty oryndaý usynyldy. Keıin atalǵan másele Eýrokomıssııa otyrysynyń kún tártibine engizilmek.
Kelissóz qorytyndysy boıynsha EO men Ózbekstan ózara mindettemelerdi tez arada oryndaý jáne bul másele aıasynda ekijaqty kezdesýlerdi turaqty negizde uıymdastyryp turýǵa ýaǵdalasty.
Eske salaıyq, 2026 jyldyń 1 qańtarynan bastap Ózbekstan AQSh azamattary úshin 30 kúndik vızasyz rejım engizedi. Sondaı-aq, Ózbekstan men Qytaı arasynda vızasyz rejım engizýge baǵyttalǵan kelisim bıyl maýsymda kúshine engen bolatyn.