Eýroodaq Pákistanǵa sý tasqynynan zardap shekken aımaqtardy qalpyna keltirý úshin qosymsha 30 mln. eýro bóledi

Sóıtip, kómektiń jalpy somasy 70 mln. eýrony quramaq. Bul týraly Brıýsselde ótkizilgen baspasóz máslıhatynda Halyqaralyq baılanystar, gýmanıtarlyq kómek jáne daǵdarys jaǵdaılaryna kómektesý jónindegi eýrokomıssar Krıstalına Georgıeva habarlady.

Eýroodaq ókiliniń aıtýynsha, «Pákistandaǵy sý tasqynynan kelgen kelgen shyǵyn orasan. Mıllıondaǵan adam zardap shekti. Qosymsha kómek Eýrokomıssııa áriptesteri júrgizip otyrǵan gýmanıtarlyq operatsııalardy kúsheıtýge baǵyttalady».

Eýrokomıssar K.Georgıeva ústimizdegi jylǵy tamyzdyń 23-inde Pákistannyń zardap shekken aýdandaryna barýdy josparlap otyr. Óziniń sapary aıasynda ol jergilikti jerlerde kómek jasap jatqan jergilikti bılik ókilderimen jáne mamandarmen, sonymen qatar sý tasqynynan japa shekkendermen kezdespek.