Eýroodaq Ózbekstanǵa qarý jetkizilimine salynǵan embargony alyp tastamaq
ASTANA. Qazannyń 27-si. QazAqparat - Seısenbi kúni Lıýksembýrgta bas qosatyn Eýroodaqtyń 27 eliniń syrtqy ister mınıstrleri Ózbekstanǵa qarý-jaraq jetkizilimine salynǵan embargony alyp tastaıtyny týraly sheshim qabyldamaq,
dep habarlaıdy «RIA «Novostı» agenttigi.
Buǵan deıin bul qadamdy Eýroodaq elderiniń elshileri maquldaǵan bolatyn, sondyqtan da sheshim talqylaýsyz qabyldanbaq. 2008 jyldyń qazan aıynda Eýroodaq Ózbekstanǵa qarsy sanktsııalardyń bárin alyp tastaǵan bolatyn, tek qarý-jaraq jetkizilimine salynǵan embargo ǵana saqtalyp qalǵan edi.
Ózbekstan basshylyǵyna qatysty sanktsııalardy Eýroodaq 2005 jyldyń mamyr aıynda, Ándijan oqıǵasynan keıin engizgen bolatyn. Eýroodaq sol joly halyqaralyq tekserýdi talap etip, al Ózbekstan olaı etýden bas tartqan soń, respýblıkalyq vızalyq shekteýler túrindegi sanktsııalar jáne qarý-jaraq jetkizilimine embargo engizilgen bolatyn.
2008 jyldyń basynda birneshe ózbek quqyq qorǵaýshylary bosatylǵannan keıin, Eýroodaq sanktsııalardy jartylaı toqtatý týraly sheshim qabyldady, atap aıtqanda ózbek basshylyǵy ókilderine qatysty vızalyq shekteýler alyp tastaldy.
