Eýroodaq óz azamattaryn Lıvııadan shyǵarý úshin azamattyq qorǵanys tetikterin iske qosty
BRıÝSSELЬ. 24 aqpan. QazAqparat /Dımash Syzdyqov/ - Eýroodaq óz azamattaryn tártipsizdik ornaǵan Lıvııadan tez arada shyǵarý úshin azamattyq qorǵanystyń arnaıy tetikterin iske qosty,
ádette bul shara tótenshe jaǵdaı nemese tabıǵat apaty kezinde qolǵa alynatyn. Bul týraly Eýrokomıssııanyń baspasóz qyzmeti habarlady.
Aıtylǵan tetik aıasynda monıtorıng jáne aqparat jónindegi ortalyqtyń qyzmeti ońtaılandyrylyp, sol ortalyq arqyly Eýroodaqqa múshe 27 memlekettiń qyzmeti úılestiriledi, sonymen qatar Horvatııa, Islandııa, Lıhtenshteın jáne Norvegııa elderiniń de Lıvııadan óz azamattaryn shyǵarý qyzmeti qaraılastyrylady.
Azamattardy elden shuǵyl alyp ketý úshin tek ushaqtar ǵana emes, teńiz kemeleri de jumyldyrylady, olardyń kúshi narazylyqqa shyqqandar men qaýipsizdik qyzmeti arasynda qatty qantógis bolyp jatqan Lıvııanyń Bengazı qalasyna tartylady.
Eýrokomıssııanyń baspasóz qyzmeti habardar etkendeı, qazirgi tańda 10 myńǵa jýyq eýropa azamaty Lıvııada qalyp otyr. Al Eýroodaq bıligi osy elden qansha eýropalyq azamattyń óz kúshimen shyǵa alǵandyǵy jaıly naqty aqparatty bilmeýde.
