Eýroodaq Orta dálizdiń áleýetine qyzyǵýshylyq bildirip otyr— ózbekstandyq sarapshy

TAShKENT. KAZINFORM — Eýropalyq Odaq elderi Ortalyq Azııamen baılanysty nyǵaıtý úshin Orta dálizdiń áleýetine qyzyǵýshylyq bildirip otyr. Taıaýda ótetin «Ortalyq Azııa — Eýroodaq» sammıtine qatysty pikir bildirgen Ózbekstan Ǵylym akademııasy Memleket jáne quqyq ınstıtýtynyń aǵa ǵylymı qyzmetkeri Ravshan Nazarov osylaı málim etti, dep habarlaıdy Kazinform agenttiginiń menshikti tilshisi.

— Ortalyq Azııa elderi búginge deıin Eýroodaqpen ekijaqty qarym-qatynas negizinde yntymaqtastyqty ilgeriletip keledi. Bul rette josparlanyp otyrǵan kezdesýdiń formaty ózgeshe. Eýroodaqtyń naqty jospary bar. Atap aıtqanda, eýroaımaq elderi Ortalyq Azııanyń kólik-logıstıkalyq ınfroqurylymyn damytýǵa, tıisinshe oǵan qosylýǵa múddeli. Onyń ishinde Eýropa Orta dálizdiń áleýetine qyzyǵýshylyq bildirip otyr, — dedi Ravshan Nazarov.

Sarapshynyń paıymynsha, osy múmkindikti utymdy qoldaný qajet. ıAǵnı, Transkaspıı kólik dálizin damytý jobalaryna ınvestıtsııa tartý mańyzdy. Tıisinshe, Orta dáliz arqyly Ortalyq Azııanyń eksporttyq áleýeti artady.

Sonymen qatar Ravshan Nazarov óńirdegi sý tapshylyǵy máselesin sheshý úshin birlesken jobalarǵa Eýroodaq elderin tartyp, solardyń tájirıbesin paıdalanýdyń oryndylyǵyna toqtaldy.

— Eýroodaq usynystarynyń biri — jasyl energııa kózderin damytý. Bul — álemdik trend. Osy oraıda, Eýropalyq Odaq kún, jel jáne sýdan óndiriletin energııanyń úlesin arttyrý jolynda Ortalyq Azııa elderine ınvestıtsııa quıýǵa nıet bildirip otyr. Sonymen qatar, Ózbekstan, Qazaqstan jáne Túrikmenstanda sý tapshylyǵy máselesi ózekti. Sondyqtan sý únemdeý tehnologııalaryn engizý men sý resýrstaryn basqarý júıesin jetildirý qajet. Atalǵan baǵytta Eýropalyq Odaq elderiniń tájirıbesi mol. Tıisinshe, birlesken jobalardy qolǵa alyp, tirshilik náriniń tapshylyǵy máselesin sheshýge bolady. Beldi sarapshylar osy saladaǵy seriktestikti yntymaqtastyqtyń mańyzdy baǵyty retinde qarastyryp otyr, — dep túıindedi Ravshan Nazarov Kazinform tilshisiniń saýalyna jaýap bere otyryp.

Aıta keteıik, Eýroodaq Ortalyq Azııanyń negizgi syrtqy saýda seriktesteriniń úshtigine kiredi. Sonymen qatar, óńir elderine baǵyttalǵan barlyq ınvestıtsııanyń 40%-dan astamy EO-ǵa múshe memleketterdiń úlesinde.

Buǵan deıin Kazinform agenttigine suhbat bergen Ózbekstannyń burynǵy Syrtqy ister mınıstri Saıdmýhtor Saıdkasymov Ortalyq Azııanyń álemdik saıasattaǵy salmaǵy arta túskenin aıtyp edi.

Eske salaıyq, «Ortalyq Azııa — Eýropalyq Odaq» sammıti 3-4 sáýir aralyǵynda Ózbekstannyń Samarqan qalasynda ótedi. Oǵan Eýropalyq keńestiń prezıdenti Antonıý Koshta men Eýropalyq komıssııanyń prezıdenti Ýrsýla fon der Lıaıen jáne Ortalyq Azııa elderiniń memleket basshylary qatysady.

Sammıt Ortalyq Azııa men Eýropalyq Odaq arasyndaǵy yntymaqtastyqty tereńdetý máselelerine arnalady. Onyń barysynda kólik-logıstıkalyq jobalardy birlesip qolǵa alý, strategııalyq shıkizat baǵytyndaǵy seriktestik, ekologııalyq taza jáne tıimdi energııa óndirý kózderin engizý múmkindikteri talqynalady.