Eýroodaq Nepal ókimetine 19,6 mln. eýro kómek berýge nıetti
BRıÝSSELЬ. QazAqparat - Eýrokomıssııa Nepal ókimetine 16,6 mln. eýro qarjylyq qoldaý kórsetýdi, sondaı-aq halyqqa qosymsha 3 mln. eýro gýmanıtarlyq kómek berýdi maquldady. Bul týraly dúısenbi kúni taratylǵan kommıýnıkede aıtylǵan.
Qarjylyq qoldaý qarajattary Nepal úkimetiniń atyna osy aptanyń sońyna qaraı kelip túsedi.
«Bul qoldaý nepal halqymen bizdiń yntymaqtastyǵymyzdy bildiredi. Nepal úkimeti úshin kómek kórsetý jalǵasýy ómirlik qajettilik, sondaı-aq ol joıqyn jer silkinisinen keıingi qalpyna keltirý jumystaryn bastaýǵa múmkindik beredi», - dedi EO-nyń halyqaralyq yntymaqtastyq jáne damý jónindegi komıssary Neven Mımıtsa.
Eske sala keteıik, 25 sáýirde Nepalda joıqyn jer silkinisi bolyp, 70 myńǵa tarta úılerdi, joldardy, kópirlerdi, eski hramdardy jáne basqa da qurylystardy tolyq qıratty. El bıliginiń sońǵy málimetteri boıynsha, tabıǵı apat saldarynan 7365 adam kóz jumdy, taǵy 14 366 adam zardap shekti.
