Eýroodaq músheleri bosqyndardy qabyldaýdan bas tartqany úshin jazalanatyn bolady
ASTANA. QazAqparat - Jalpy eýropalyq kvota júıesiniń aıasynda Taıaý Shyǵystan bosqyndardy qabyldaýdan bas tartqan EO elderi qomaqty aıyppul tóleıtin bolady, dep habarlady The Financial Times.
Jalpy eýropalyq kvota júıesiniń aıasynda Taıaý Shyǵystan bosqyndardy qabyldaýdan dáleldi sebeptersiz bas tartqan Eýroodaqqa qatysýshy elderge aıyppul salynady. Aıyppul týraly zańnyń resmı usynysy Eýrokomıssııaǵa jiberiledi jáne búgin, 4 mamyrda qaraýǵa usynylady.
Aıyppul kólemi ár qabyldanbaǵan bosqyn úshin 250 myń eýrony quraıdy. Alaıda búgingi kúni aıyppul somasy talqylanýda. Biraq qalaı bolǵanda da júzdegen myń eýromen esepteledi. Eýroodaqta qabyldanǵan barlyq baǵdarlama 120 myń bosqyndy ornalastyrýdy kózdeıdi.
