Eýroodaq Majarstannyń kesirinen óziniń negizgi qaǵıdasynan bas tartýy múmkin

ASTANA. KAZINFORM — Eýroodaq sheshim qabyldaýda qıyndyqqa tap boldy, dep habarlaıdy Bloomberg habarlaıdy. 

Eýroodaq syrtqy saıası sheshimderde biraýyzdylyq erejesiniń ornyna kópshilik daýys berý tártibin engizýdi qarastyryp jatyr. Bul Majarstannyń Ýkraınaǵa qatysty barlyq sheshimge veto qoıý máselesin sheshýge baǵyttalǵan.

Basylym EO-ǵa múshe elder arasynda taraǵan jáne jýrnalısterdiń sholýynan ótken qujatqa súıengen. Qujatta Odaqtyń syrtqy saıası sheshimderdi qabyldaý tártibin biraýyzdan kópshilik daýys berýge ózgertý múmkindikteri kórsetilgen. Mundaı ózgeris Eýropalyq Odaqqa belgili bir máseleler boıynsha jyldam ári batyl áreket etýge múmkindik beredi. Bul sondaı-aq keıbir elderdi mańyzdy sheshimderge veto qoıý quqyǵynan aıyrady.

Eýroodaq elderi arasynda Vengrııanyń áreketine narazylyq artyp bara jatyr. Býdapesht Eýroodaqtyń Reseıdiń Ýkraınaǵa jasaǵan shabýyldaryn aıyptaıtyn birlesken málimdemesine qol qoıýdan bas tartty. Buǵan qosa, Vengrııa Reseıdiń tyıym salynǵan aktıvterinen paıyzdardy Ýkraınaǵa berýdi qarastyratyn sheshim jobasyna tosqaýyl qoıýǵa tyrysyp jatyr.

Eske sala keteıik, Eýroodaq 12 qazannan bastap elge kirý erejelerin ózgertedi.