Eýroodaq M.Saakashvılıge qatysty qylmystyq istiń qozǵalýyna alańdaýshylyq bildirýde
ASTANA. QazAqparat - Eýroodaq Grýzııanyń eks-prezıdenti M.Saakashvılıge qatysty qylmystyq istiń qozǵalýyna alańdaýshylyq bildirýde. Bul jóninde EO syrtqy saıasat qyzmetiniń málimdemesinde aıtylyp otyr.
«Zańnan eshkim bıik emes, degenmen Grýzııadaǵy qylmystyq qýdalaý ashyq, zańǵa saı, eshqandaı saıası astarsyz bolýy tıis jáne quqyqtyq protsedýralardyń negizinde jasalýy kerek. EO Grýzııanyń burynǵy úkimettiń múshelerine jáne qazirgi oppozıtsııanyń múshelerine qatysty sot protsesterin jiti qadaǵalap otyrady», - delingen qujatta.
Eýroodaq grýzııalyq saıasattyń barlyq qatysýshylaryna ótken qaqtyǵystardyń sheńberinen shyǵyp, eldiń bolashaǵyna kóńil bólýge úndeýde.
Bunyń aldynda QazAqparat habarlaǵanyndaı, Grýzııa prokýratýrasy eldiń burynǵy prezıdenti Mıhaıl Saakashvılıge qatysty qylmystyq is qozǵaǵan bolatyn.
Ol «qyzmetin asyra paıdalanyp japa shegýshiniń ar-namysyna tıdi» dep aıyptalýda. Bul úshin 8 jylǵa deıin bas bostandyqtan aıyrý qarastyrylǵan.
Saakashvılı 2007 jyly 7 qarashada kóteriliske shyqqandardy basyp, «Imedı» telekompanııasyn buzý jáne bıznesmen Badrı Patarkatsıshvılıdiń múlkin alýǵa qatysqan dep aıyptalýda.
Eks-prezıdentpen birge birqatar sheneýnik te is boıynsha tergeýden ótýde: ІІM burynǵy basshysy Vano Merabıvshılı, eks-prokýror Zýrab Adeıshvılı, qorǵanys mınıstrliginiń burynǵy basshysy Davıd Kezerashvılı, sonymen birge Tbılısıdiń burynǵy meri Gıgı Ýkýlava.
