Eýroodaq qýatty jer silkinisinen zardap shekken Túrkııaǵa kómek kórsetýge daıyn
Óńirdegi Rıhter shkalasymen 7,4 baldyq qýatty jer silkinisi ǵasyrdan astam ýaqyttan keıin Túrkııanyń Gazıantep aýdanynda boldy. Jer silkinisi kórshiles Sırııa eline de áserin tıgizdi.
«Bizdiń oı-pikirimiz Túrkııa jáne Sırııa halqymen birge. EO kómektesýge daıyn», - dep jazdy eýropalyq dıplomatııa basshysy Jozep Borrel Twitter paraqshasynda.
10 qalalyq izdeý-qutqarý komandasy Túrkııanyń jedel áreket etý qyzmetine qoldaý kórsetý úshin Bolgarııa, Horvatııa, Chehııa, Frantsııa, Grekııa, Nıderlandy, Polsha Rýmynııa elderinen shuǵyl jasaqtaldy. Italııa men Vengrııa da túrik eline ózderiniń qutqarý komandalarynyń qyzmetin usynyp otyr.
«EO-nyń tótenshe jaǵdaılarǵa den qoıý ortalyǵy qajettilik týyndaǵan jaǵdaıda munan arǵy qoldaýdy úılestirý maqsatynda Túrkııa bıligimen tikeleı baılanysyp otyr», - dep atap ótedi Eýropalyq komıssııasynyń baspasóz qyzmetinen.
EO-nyń «Copernicus» jerserik júıesi shuǵyl kartografııalyq qyzmet kórsetý úshin iske qosyldy.
Eýropalyq odaq Túrkııadaǵy jer silkinisi kezinde zardap shekken Sırııa eline de gýmanıtarlyq kómek baǵdarlamasy arqyly qoldaý kórsetýge daıyn ekendigin bildirdi.
Memleket basshysy Qasym-Jomart Toqaev Túrkııa Prezıdenti Rejep Taııp Erdoǵanǵa kóńil aıtty jáne Úkimetke Túrkııaǵa shuǵyl kómek kórsetýdi tapsyrdy.
SІM málimeti boıynsha, qazirgi sátke deıin onda Qazaqstan azamattary zardap shekti degen aqparat kelip túsken joq.
Sońǵy málimet boıynsha jer silkinisi saldarynan qurban bolǵandar sany 912-ge jetti.
Arnur Rahymbekov
Foto: assets.weforum.org