Eýroodaq kóshbasshylary shuǵyl sammıt ótkizbek

ASTANA: KAZINFORM – Eýropalyq Keńes tóraǵasy Antonıý Koshta 24 qarasha kúni Eýroodaq kóshbasshylarynyń kezekten tys sammıtin ótkizbek, dep habarlaıdy Kazinform agenttiginiń menshikti tilshisi.

Habarlamada jıyn barysynda AQSh-tyń Ýkraınadaǵy jaǵdaıdy retteý jónindegi usynystary talqylanatyny aıtylǵan.

-Biz AQSh-tyń Ýkraına boıynsha soǵysty toqtatyp, beıbitshilik ornatý jónindegi kúsh-jigerin oń baǵalaımyz. 28 bólimnen turatyn jospardyń alǵashqy jobasyna ádil ári turaqty beıbit ómirdi qalyptastyrýǵa baǵyttalǵan elementter bar. Biz bul jobaǵa jetildirýdi qajet etetin negiz kerek dep esepteımiz,-dedi A.Koshta.

-Jumys júrip jatyr. Men EO-nyń 27 kóshbasshysyn Lýandada, dúısenbi kúni EO-AO sammıti aıasynda Ýkraına boıynsha ótetin kezdesýge shaqyryp otyrmyn,-dedi ol.

24-25 qarashada Lýanda qalasynda (Angola) «EO-Afrıkalyq Odaq» sammıti ótedi. Saıası jáne ekonomıkalyq yntymaqtastyq Eýroodaqtyń aǵymdaǵy saıasatynyń basym baǵyty.

Ádette Eýroodaq sammıti Brıýssel qalasynda ótetin jáne onda EO kún tártibindegi mańyzdy máseleler talqylanady. Endi 27 múshe memlekettiń kezekti sammıti 18-19 jeltoqsanda eýropa astanasynda ótedi dep josparlanyp otyr.

Osyǵan deıin EO, Ýkraına AQSh-tyń beıbitshilik josparyn 23 qarashada talqylaıtyny týraly jazdyq.