Eýroodaq kóshbasshylary Mertsti Germanııa kantsleri bolyp saılanýymen quttyqtady

ASTANA. KAZINFORM — Eýrokomıssııa tóraıymy Ýrsýla fon der Lıaıen Frıdrıh Mertsti (HDO/HÁO) federaldy kantsler bolyp saılanýymen quttyqtady, dep habarlaıdy Kazinform menshikti tilshisi. 

— Men tyǵyz yntymaqtastyqqa senemin. Biz kúshtirek jáne básekege qabiletti Eýropa úshin birigip jumys isteıtin bolamyz, — dep jazdy fon der Lıaıen Bluesky onlaın qyzmetinde.
Ý.Lıaıen Angela Merkel (HDO) tusynda otbasy isteri jónindegi birinshi mınıstr, keıinirek Qorǵanys mınıstri qyzmetin atqardy.

Ol Frıdrıh Mertsti «senimdi dos jáne Eýropa jónindegi sarapshy» dep atady.
EO Eýropalyq Keńesiniń tóraǵasy Antonıo Kosta da Mertsti saılanýymen «jyly quttyqtaýyn» bildirdi.

— Men órshil jalpyeýropalyq kún tártibi aıasyndaǵy yntymaqtastyǵymyzdy asyǵa kútemin, — dep jazdy Kosta X onlaın qyzmetinde.

Eske sala ketsek, 6 mamyrda Býndestag saılaýdyń ekinshi týrynda Frıdrıh Mertsti federaldy kantsler etip saılady. HDO jetekshisi 325 daýys jınap, kantsler bolyp taǵaıyndalý úshin qajetti 316 daýystan asyp tústi.