Eýroodaq kóshbasshylary BUU Bas hatshysymen kezdesti
ASTANA. KAZINFORM – BUU Bas hatshysy Antonıý Gýterrısh Brıýssel qalasyna baryp, Eýropalyq odaqqa múshe 27 eldiń basshylarymen kezdesti, dep habarlaıdy Kazinform agenttiginiń EO-daǵy menshikti tilshisi.
Kezdesý barysynda halyqaralyq qaýipsizdik, kópjaqty yntymaqtastyq jáne jahandyq turaqtylyq máseleleri talqylandy.
Eýropalyq keńes tóraǵasy Antonıý Koshta Birikken Ulttar Uıymynyń halyqaralyq tártipti saqtaýdaǵy mańyzyn atap ótti.
– Qazirgi turaqsyz kezeńde halyqaralyq erejelerge negizdelgen tártipti qorǵaý, kópjaqty yntymaqtastyqty qoldaý jáne BUU qyzmetin kúsheıtý burynǵydan da mańyzdy. Búginde kóptegen halyqaralyq oıynshylar qalyptasqan tártipke syn-tegeýrin jasap otyr. Alaıda halyqaralyq erejelerge negizdelgen júıege balama joq. Eýropalyq odaq BUU-ǵa jan-jaqty qoldaý kórsete beredi, – dedi ol.
Kezdesýde álemdik saıasattaǵy ózekti máseleler men halyqaralyq uıymdardyń rólin kúsheıtý joldary da qarastyryldy.
Eýroodaq sammıtinde talqylanǵan basqa máseleler týraly keıinirek habarlanady.
Buǵan deıin BUU Izraıldiń Lıvanǵa jasaǵan keıbir soqqylary áskerı qylmys bolýy múmkin ekenin habarlaǵan.
