Eýroodaq Qytaıdan ákelinetin kólikke salyqty kóbeıtti

ASTANA. KAZINFORM – Eýro Odaqqa Qytaıdan jetkiziletin elektromobılder (BEV) ımporttaý tarıfteri 35,3%-ǵa jetken. Osyǵan oraı Eýroodaq qosymsha baj salyǵyn engizdi, dep habarlaıdy Kazinform tilshisi.

«Tergeý kórsetkendeı, Qytaıdaǵy BEV qunyn qurý tizbegi EO-daǵy BEV óndirýshilerine ekonomıkalyq zııan keltirý qaýpin tóndiretin ádiletti eme sýbsıdıdan paıda kórip otyr», - delingen EK kommıýnıkesinde.

Qujatta Eýrokomıssııanyń sýbsıdııaǵa qarsy aıaqtalǵan tergeýiniń qorytyndysy negizinde qytaılyq eksporttaýshylarǵa kelesi ótemaqy bajdaryn engizý týraly sheshim qabyldanǵany habarlanady: BYD – 17,0%, Geely – 18,8%, SAIC – 35,3%.

«Basqa seriktes kompanııalarǵa 20,7 paıyz kóleminde baj salyǵy salynady. Tesla kompanııasyn jeke tekserý týraly dáıekti ótinish bolǵan jaǵdaıda, 7,8% kóleminde baj taǵaıyndalady. Komıssııa sondaı-aq EO jáne DSU erejelerine sáıkes ruqsat etilgendeı jeke eksporttaýshylarmen baǵa mindettemeleri boıynsha kelissózderdi ashyq júrgizbek», - dep túsindirdi resmı Brıýssel.

Sondaı-aq Eýrokomıssııa bolashaqta «qoldanystaǵy sharalardyń tıimdiligin, sonyń ishinde olardy aınalyp ótpeýin qamtamasyz etýdi baqylaıtyny» habarlanǵan.