Eýroodaq Qyrǵyzstanǵa «Qambar-Ata-1 sý elektr stantsııasynyń» qurylysyna 1 mlrd dollar bóledi

BІShKEK. KAZINFORM – Eýropalyq ınvestıtsııalyq bank pen Eýropa qaıta qurý jáne damý banki Qyrǵyzstanǵa «Qambar-Ata-1» GES qurylysyna árqaısysy 500 mln dollardan bóledi, dep habarlaıdy Kazinform menshikti tilshisi. 

Qyrǵyzstannyń Energetıka mınıstrliginiń málimetinshe, Brıýsselde ótken Global Gateway forýmynda Qazaqstan, Qyrǵyzstan jáne Ózbekstannyń energetıka mınıstrleri halyqaralyq qarjy ınstıtýttarynyń basshylarymen birge «Qambar-Ata-1» sý elektr stansasy jobasynyń barysyn talqylady. 

Kelissóz qorytyndysy boıynsha Eýroodaq Qyrǵyzstan, Qazaqstan jáne Ózbekstanmen jalpy somasy 2,4 mlrd dollar bolatyn jobany qarjylandyrý týraly ekijaqty kelisimge qol qoıdy, onyń 1 mıllıardy Qyrǵyzstanǵa bólinedi.

Kezdesý barysynda Qyrǵyz Respýblıkasy Energetıka mınıstrligi men Eýropalyq ınvestıtsııalyq bank arasynda «Qambar-Ata GES-1» jobasyn 500 mln dollarǵa deıingi somaǵa qarjylandyrý týraly ózara túsinistik týraly memorandýmǵa qol qoıyldy. Sondaı-aq Qyrǵyz Respýblıkasynyń Energetıka mınıstrligi men Eýropalyq qaıta qurý jáne damý banki arasynda jobany 500 mln dollarǵa deıingi somaǵa qarjylandyrýdy kózdeıtin ekinshi memorandýmǵa qol qoıyldy.

Buǵan deıin Brıýsselde Ortalyq Azııanyń energetıkalyq qaýipsizdigin nyǵaıtý jáne sý resýrstaryn ózara tıimdi paıdalaný maqsatyndaǵy mańyzdy aımaqtyq bastama – Qambar-Ata GES-1 jobasyn daıyndaý máseleleri jóninde mınıstrlerdiń úshinshi dóńgelek ústel otyrysy ótkenin jazǵan edik.