Eýroodaq Kenııadaǵy lańkestikke qatysty pikirin jarııalady
BRıÝSSELЬ. QazAqparat - Kenııa halqy taǵy bir márte ekstremıstik zorlyq-zombylyq áreketten japa shekti. Bul týraly Eýroodaqtyń sheteldik ister men qaýipsizdik saıasaty boıynsha joǵarǵy tóraıymy Federıka Mogerını juma kúni málim etti.
«EO týystary qaza tapqan januıalarǵa kóńil aıtyp, zorlyq-zombylyqtan japa shekkenderdiń qaıǵysyna ortaqtasady», - dedi Mogerını.
Eýropalyq dıplomatııa basshysynyń sózine qaraǵanda, kenııalyq Garıssa qalasynda 147 stýdenttiń ómirin qııý arqyly lańkester túrli konfessııalar arasynda daý týdyrý maqsatymen bilim berý júıesine, eldiń ekonomıkalyq jáne mádenı damýyna, turaqtylyǵyna kedergi keltirýge nıetti ekenderin kórsetti.
«EO Kenııa úkimeti men halqyna lańkestik qaýpinen arylýǵa kómektesetinin rastaıdy», - dep túıdi Mogerını. Eske sala keteıik, 2 sáýirde «Ash-Shabab» ıslamıstik toby Kenııanyń Garıssa qalasyndaǵy ýnıversıtettik keshenge shabýyl jasady. Saldarynan 147 adam qaza taýyp, taǵy 79 adam túrli jaraqat aldy.
