Eýroodaq Qazaqstannyń bitimgerlik yqpalyna úmit artýda
BRıÝSSELЬ. QazAqparat - Kelissózder barysynda QR Prezıdenti Nursultan Nazarbaev jáne Eýropalyq komıssııa tóraǵasy Jan-Klod ıÝnker Qazaqstan Respýblıkasy men Eýropalyq odaq arasyndaǵy baılanysty damytýǵa qatysty máselelerdi talqylady.
Sonymen qatar, kezdesýde halyqaralyq kún tártibindegi ózekti baǵyttar, sonyń ishinde Ýkraınadaǵy jaǵdaı men EO-nyń Reseıge qarsy shekteý sharalary boıynsha pikir almasyldy.
«Biz aımaqtyq saıasat, Ýkraınadaǵy problemalar, bizge áser etetin Reseıge qarsy sanktsııalar týraly áńgimelestik. Osy baǵytta birlesip jumys jasaýǵa kelistik. Bul Eýropaǵa da, Reseıge de tıimdi», - dedi Nursultan Nazarbaev.
Elbasy Qazaqstan ekonomıkalyq yqpaldastyqta negizgi seriktesteri bolyp tabylatyn óz kórshileri - Qytaı Halyq Respýblıkasy jáne Reseı Federatsııasymen jaqyn dostyq qarym-qatynas quryp jatqanyna nazar aýdardy.
«Eýrazııalyq qurlyqtyń teń ortasynda turyp, teńizge shyqpaıtyn Qazaqstan Qytaı Halyq Respýblıkasy jáne Reseı Federatsııasymen jaqyn dostyq qarym-qatynas ornatyp jatyr. Olar bizdiń ekonomıkalyq yqpaldastyq boıynsha negizgi seriktesterimiz», - dep atap ótti Memleket basshysy.
Eýropalyq komıssııa tóraǵasy Jan-Klod ıÝnker Eýroodaq mańyzdy aımaqtyq úderisterge qatysatyn Qazaqstannyń bitimgerlik yqpalyna úmittenip otyrǵanyn atap ótti.
«Jaqyn dosymdy kórgenime qýanyshtymyn. Jahandyq máselelerdi, Qazaqstan men Eýroodaq arasyndaǵy qarym-qatynasty jáne ózge de ózekti taqyryptardy talqyladyq. Aımaqtyq máselelerge kóp kóńil bóldik. QR aınalasyndaǵy elder jáne Qazaqstannyń osy aımaqtaǵy bedeli jaıly sóz boldy. Biz problemalardy sheshý úshin aımaqtaǵy lıder retinde Qazaqstannyń bitimgerlik yqpalyna úmittenip otyrmyz», - dep atap ótti Jan-Klod ıÝnker.
