Eýroodaq - Qazaqstan áriptestiginiń 25 jyldyǵyna oraı jýrnalıster arasynda baıqaý jarııalandy

ASTANA. QazAqparat - Eýropalyq Odaq pen Qazaqstan arasyndaǵy dıplomatııalyq qatynastardyń 25 jyldyǵyna oraı qazaqstandyq jýrnalıster arasynda baıqaý jarııalandy. Bul týraly QR Aqparat jáne kommýnıkatsııalar mınıstrliginiń baspasóz qyzmeti habarlady.

Mınıstrliktiń málimetterine qaraǵanda, atalmysh baıqaýdy «Eýroodaq - Qazaqstan: áriptestik pen yntymaqtastyqtyń 25 jyldyǵy» degen ataýmen Eýropalyq Odaq Qazaqstandaǵy ókildigi, QR Aqparat jáne kommýnıkatsııalar mınıstrliginiń qoldaýymen Qazmedıa Medıamektebimen birlese otyryp uıymdastyrýda.

Baıqaý - Eýropalyq Odaq pen Qazaqstan Respýblıkasy arasyndaǵy qatynastardy keńeıtýge ári nyǵaıtýǵa, ashyq dıalog qalyptastyrýǵa jáne Qazaqstan medıa qaýymdastyǵynda Eýropalyq Odaq týraly habardarlardy jetkizýdi jetildirýge baǵyttalǵan.

Baıqaý nátıjesinde EO ınstıtýttary (Eýropalyq Parlament, EO Keńesi, Eýropalyq Komıssııa, Eýropalyq syrtqy ister qyzmeti) men Brıýsselde medıa-pýldy zerdeleý úshin bir aptalyq tanystyrý taǵylymdamasyna qatysýǵa 3 jeńimpaz irikteletin bolady. Sonymen qatar jeńimpazdar Eýropalyq Komıssııanyń kúndelikti brıfıngterine qatysa alady jáne ishinara EO ınstıtýttarynyń jumys mehanızmderimen tanysady.

Sondaı-aq jeńimpazdar 2018 jyl barysynda Qazmedıa Medıamektebiniń trenıngteri men semınarlaryna (Habar Agenttiginiń Sheberhanasy jobasy) qatysý múmkindigin alady.

Mańyzdy: Taǵylymdama qorytyndylary boıynsha qatysýshyǵa EO Ókildiginiń, QR AKM jáne Qazmedıa Medıamektebiniń atynan usynys hat jáne sertıfıkat tapsyrylatyn bolady.

Konkýrstyq irikteý kezeńderi: 2018 jylǵy 30 sáýirge deıin ótinimderdi qabyldaý (ótinimdi osy jerden júktep alýǵa bolady). Talapker toltyrylǵan ótinimdi barlyq qosymsha faıldarmen jáne oǵan siltemelermen qosa joldaıdy.

Taǵylymdama talapkerlerin irikteý boıynsha bilikti qazylar alqasynyń quramyna QR Aqparat jáne kommýnıkatsııalar vıtse-mınıstri Alan Ájibaev, Qazaqstandaǵy Eýropalyq Odaq Ókildiginiń Basshysy, Elshi, Traıan Hrıstea, «Qazmedıa ortalyǵy» basqarýshy kompanııasy» JShS Bas dırektorynyń strategııalyq damý jáne halyqaralyq yntymaqtastyq jónindegi orynbasary Erlik Qarajan, Medıamektep dırektory, jýrnalıst, tele-radıo júrgizýshi Mahabbat Esen, Qazaqstandaǵy Eýropalyq Odaq Ókildiginiń Baspasóz hatshysy Elnara Baınazarova.