Eýroodaq qarjy-ekonomıkalyq jaǵdaıdyń nasharlaýyna daıyndalyp jatyr

BRıÝSSELЬ. QazAqparat - Eýropalyq odaqta ınflıatsııa kúrt ósip, ekonomıkalyq ósim perspektıvalary nasharlaýda. Bul tendentsııalardy eýroaımaq elderiniń qarjy mınıstrleri dúısenbi kúni Brıýsselde ótken kezdesýde aıtty. Nıderlandy ókili áriptesterine Reseı men Ýkraına tóńiregindegi jaǵdaı aıasynda birinshi kezekte janar-jaǵarmaı men azyq-túlik baǵasynyń ósýi jalǵasa beretinin negizge alýdy usyndy, dep habarlaıdy QazAqparat Euronews.com saıtyna silteme jasap.

Sondaı-aq mınıstrler aldaǵy qysta Reseı gaz jetkizýdi kúrt azaıtsa nemese toqtatsa, tabıǵı gaz tapshylyǵynyń qaýpi artatynyna nazar aýdardy. Brıýssel energııa baǵasynyń ósýine baılanysty ınflıatsııanyń 42%-ǵa óskenin eseptedi.

Eýrotop ortaq valıýtanyń dollarǵa shaqqandaǵy qunyn joǵaltyp bara jatqanyna da alańdaýly. Valıýta baǵamy boıynsha kórsetkish parıtetke jetti, bul sońǵy 20 jylda alǵash bolyp turǵan jaǵdaı. Ispanııalyq Eýroparlament depýtaty Eýropa Ortalyq bankiniń batyl áreket etetin ýaqyty keldi dep esepteıdi.

Qarjy mınıstrleri eýroaımaqtaǵy alańdaýshylyq týǵyzatyn basty másele retsessııa bolýy múmkin ekenin aıtty. Al eger ekonomıkanyń ósýi toqtap, qymbatshylyq arta berse, jumyssyzdyqtyń ósýimen stagflıatsııa da ornaıdy.

Foto: news.cgtn.com