Eýroodaq ishki mobıldi roýmıngti alyp tastady
ASTANA. QazAqparat - 15 maýsymnan bastap Eýroodaq qoǵamdastyq aýmaǵyndaǵy barlyq elderdiń azamattary úshin mobıldi roýmıngti toqtatty. Budan bylaı memleketaralyq birlestiktegi barlyq 28 el aýmaǵyndaǵy abonentterge qyzmet kórsetý quny biryńǵaı bolýǵa tıis, dep habarlaıdy TASS agentti.
«Búgin uıaly baılanystyń eýropalyq naryqtaǵy baǵasy biryńǵaılandyrylǵan tarıhı kún», - delingen Eýrokomıssııanyń (EK) beısenbi kúni jarııalaǵan málimdemesinde.
«Bıylǵy jyly eýropalyqtar jazǵy demalystarynda alǵash ret uıaly telefon jáne ınternet jelisin óz jerindegi tarıfpen paıdalaný múmkindigine ıe bolady», - delingen Eýrokomıssııa málimetinde.
