Eýroodaq Irakqa 42,5 mıllıon eýro kóleminde kómek beredi
ASTANA. QazAqparat - Eýroodaq Irakqa 42,5 mıllıon eýro kóleminde kómek beredi, dep jazady «Habar 24».
Qarjy Irak bıliginiń eldegi gýmanıtarlyq daǵdaryspen kúresýi úshin bólinip otyr. Ol eń aldymen urys júrip jatqan Mosýl sııaqty qalalardaǵy turǵyndarǵa qoldaý kórsetýge jumsalmaq.
Sondaı-aq týǵan jerin tastap, bas saýǵalap kóshken adamdardy azyq-túlik jáne aýyzsýmen qamtamasyz etýge, densaýlyq saqtaý men bilim salasyn qalpyna keltirýge bólinedi.
Aıta keteıik, Irak - álemde iri gýmanıtarlyq daǵdarysqa ushyrap otyrǵan elderdiń biri. Munda «Irak jáne Levant lańkestik uıymynyń» áreketinen júzdegen myń adam bas baspanalaryn tastap ketýge májbúr. Al Eýroodaqtyń 2015 jyldan beri Irakqa kórsetken kómegi 309 mıllıon eýrodan asqan.
