Eýroodaq elderiniń basshylary Grekııaǵa kómek kórsetetin boldy
ASTANA. Naýryzdyń 26-sy. QazAqparat - Eýro aýmaǵynyń 16 eliniń basshylary Grekııaǵa kómek kórsetý jospary boıynsha «ortaq túsinistikke» qol jetkizdi. Eýroodaq Grekııaǵa ekijaqty nesıe berýge ázir, sebebi ol eldiń tarapynan qarjylaı kómek týraly ótinish túspegen. Bul týraly Brıýssel sammıtine qatysýshy Eýroodaq ókilderiniń kelisim jobasynda aıtylady,
dep habarlaıdy RBK agenttigi.
Biraq ta, Grekııaǵa qarjylaı kómek tetigin iske qosý týraly sheshimniń qabyldanbaǵany atap kórsetilýde. Qujatta atap kórsetilgendeı, boryshker belgili bir ekonomıkalyq saıasatty júrgizgen jaǵdaıda ǵana, Grekııaǵa nesıe beriledi. Nesıeniń kólemin Eýropalyq komıssııa men Eýropalyq ortalyq bank anyqtaıtyn bolady. Al qarjylaı kómekke keler bolsaq, naryqtyq qarjylandyrý jetimsiz bolǵan jaǵdaıda ǵana, bul másele oń sheshilýi múmkin.
Esterińizge sala keteıik, Brıýsselde Eýroodaqtyń ekikúndik sammıti bastaldy, onda eńbek naryǵy, aımaqtyń ekonomıkalyq ósý strategııasy, Kopengagendegi klımat máselesi jónindegi konferentsııa barysynda naqtylanǵan problemalar talqylanýda. Eýroodaq elderiniń ókilderi sondaı-aq, daǵdaryspen kúresý úshin qabyldanyp jatqan sharalardy talqylaıdy. Sammıtke qatysýshylar kezdesý barysynda Grekııaǵa qarjylaı kómek kórsetý máselesine qatysty da oń sheshim qabyldanady degen úmitte.
