Eýroodaq elderinde sheteldik kólik júrgizýshilerge talap kúsheıtilmek

ASTANA. QazAqparat - Brıýssel Eýropa Odaqtaǵy jol qaýipsizdigin qamtamasyz etý maqsatynda kólik júrgizý kýáligin alý úshin tapsyrylatyn emtıhan júıesin ózgertýdi usyndy. Emtıhanǵa jiberiletin adamdardyń jas mólsheri 17-den kem bolmaýy kerek, dep habarlaıdy QazAqparat Euronews-ke silteme jasap.

Jalpy ótken jyly Eýroodaqtaǵy jol-kólik oqıǵalarynda 20 myńnan astam adam qaza tapty. Onyń 40% 30 jasqa deıingi júrgizýshiler. Brıýssel 2050 jylǵa qaraı adam ólimine ákeletin jazataıym oqıǵalardyń sanyn nólge deıin tómendetý mindetterin qoıyp otyr.

Brıýssel bastamasynyń taǵy bir mańyzdy bóligi – EO-nyń iri qalalaryndaǵy sheteldik júrgizýshilerdiń jol erejelerin buzýmen kúres. Eýrokomıssııanyń málimetinshe, jol erejesin buzǵan sheteldikterdi anyqtaý múmkin bolmaǵandyqtan mıllıondaǵan zań buzýshylyqtar jazasyz qalady.

Eýrokomıssııa qoǵamdyq jolda kólik jyldamdyǵyn 50 km/saǵ-tan asyratyndarǵa búkil el boıynsha kólik júrgizýge tyıym salǵysy keledi. Sonymen qatar biryńǵaı tsıfrlyq júrgizýshi kýáligin engizýdi qoldap otyr. Biraq bul ózgerister áli talqylanyp jatyr.