Eýroodaq elderinde Covid-19 juqtyrǵandar Qazaqstanmen salystyrǵanda 13 ese kóp – Baǵdat Qojahmetov
«Búgin Elbasy Úkimettiń aldyna jáne Densaýlyq saqtaý mınıstrligine birqatar tapsyrma berdi. Sonyń ishinde aldyńǵy orynda PTR testiniń jáne medıtsınalyq maskanyń baǵasyn tómendetý tapsyrmasy tur. Basqa eldermen salystyryp qaraǵanda, elimizde maskanyń baǵasy 60 teńgeniń tóńireginde bolsa, Reseıde 20 teńge eken. Bul qarjylyq másele bolǵandyqtan basqa mınıstrliktegi áriptester bul máseleni sheshýge kirisedi dep oılaımyn», - deıdi QR Densaýlyq saqtaý mınıstrliginiń resmı ókili Baǵdat Qojahmetov.
Onyń aıtýynsha, sońǵy 2-3 aıda Qazaqstanda maskanyń baǵasy 2-3 ese arzandady.
«Qazirgi ýaqytta Qazaqstanda kúndelikti 40 myń PTR test ótkizý múmkindigimiz bar. Jyl sońna deıin onyń sany 67 myńǵa deıin ósedi. . Neǵurlym kóp adam PTR testiden ótse, soǵyrlym jaǵdaı belgili bolyp, nátıjege baılanysty sheshim qabyldanady. Sol sheshimniń arqasynda elimizdi indetten qorǵaý múmkindigi týady», - deıdi ol.
Sondaı-aq, ol kórshi memleketterde jaǵdaı edáýir qıyndap kele jatqanyn aıtty.
«Ótken aptada Italııa, Germanııa sııaqty Eýropa elderinde koronavırýspen aýyrǵan adamdar sany 60% artty. Reseıde sońǵy táýlikte 11 615 adam aýrýǵa shaldyqsa, Túrkııada kúnine 1 603 jaǵdaı tirkelýde. Jalpy Eýroodaqqa kiretin elderde Qazaqstanmen salystyrǵanda koronavırýspen aýyrǵan adamdardyń sany 13 ese kóp. Sondyqtan óte saq bolýymyz kerek», - deıdi Baǵdat Qojahmetov.