Eýroodaq elderi vaktsınatsııany jedeldetti
Majarstanda komendant saǵatynyń bastalýy tún ortasyna jyljytyldy. Azyq-túlik satpaıtyn dúkender men jyldam ázirlenetin tamaq oryndary senbi saǵat 23-ke deıin jumys isteı alady. Immýnıtet sertıfıkaty bar azamattar kafe, meıramhanalarǵa jáne sport zaldaryna barýyna ruqsat etildi. 10 mamyrdan bastap bılik 16-dan 18 jasqa deıingi majarlarǵa vaktsına egýdi josparlap otyr .
Kámelet jasqa tolǵan frantsýzdar (18+) 15 mamyrdan bastap koronavırýsqa qarsy vaktsınantsııa alýǵa quqyǵy bar. Bul týraly el prezıdenti Emmanýel Makron Twitter-degi paraqshasynda jarııalady. Onyń aıtýynsha, 15 mamyrdan bastap 50 jastan asqan azamattardan basqasynyń bári ekpe alýyna bolady. Sáýir aıynyń sońyndaǵy málimet boıynsha Frantsııada eresek turǵyndardyń 29% vaktsınanyń kem degende bir dozasyn alǵan.
Portýgalııa 1 mamyrdan bastap Ispanııamen aradaǵy qurlyqtaǵy shekarany ashady. Ol qańtar aıynda koronavırýs taralýyn toqtatý úshin jabylǵan bolatyn. Sondaı-aq senbide meıramhana, kafe men kondıter oryndary ǵımarat ishinde aldy adamǵa, terassada on adamǵa sheıin qyzmet kórsete alady. Ashyq aýada kez kelgen qozǵalysqa ruqsat berildi. Alaıda qashyqtan jumys isteý quptalady.
Túrkııada koronavırýs juqtyrǵandar sanynyń artýyna baılanysty bılik qatań shekteý sharalaryn qoldandy. Táýlik boıy oqshaýlaý rejimi jarııalanǵan. Úıden tek mańyzdy sebeppen shyǵýǵa ruqsat etiledi, onyń ishinde azyq-túlik satyp alý da bar. Mektepter qashyqtan oqytýǵa kóshirildi.
